آج ادارہ غلطیاں مان چکا تو سلیکٹڈ سیاستدان پریشان ہوگئے، بلاول بھٹو

پیپلز پارٹی کے چیئرمین بلاول بھٹو زرداری نے کہا ہے کہ ادارے کے غیر سیاسی ہونے کے بیان کے بعد کٹھ پتلی اور سلیکٹڈ سیاست دان پریشان ہو گئے۔

کراچی میں پیپلز پارٹی کے یوم تاسیس کے جلسے سے خطاب میں بلاول بھٹو زرداری نے کہا کہ انہیں پریشانی یہ ہے کہ ادارہ نیوٹرل ہو گیا تو ان کی سیاست کا کیا ہو گا۔

ذلفی بخاری کا امریکی سازش کے بیانیے پر یو ٹرن

پاکستان تحریک انصاف (پی ٹی آئی) کے مرکزی رہنما ذلفی بخاری نے امریکی سازش کے بیانے پر یوٹرن لے لیا۔

انہوں نے کہا کہ گھڑی چوری چھپانے کےلیے انتشار پھیلایا جارہا ہے، پی ٹی آئی پنجاب اور خیبر پختونخوا اسمبلی سے استعفے نہیں دے گی۔

پی پی چیئرمین نے مزید کہا کہ آج ادارہ اپنی غلطیاں مان چکا تو سارے سلیکٹڈ سیاست دان پریشان ہو گئے ہیں۔

ان کا کہنا تھا کہ گھڑی چوری کو چھپانے گوگی صاحبہ، علیمہ باجی کو بچانے کے لیے اور فارن فنڈنگ سے بچنے کے لیے انتشار پھیلایا جارہا ہے۔

امریکی سازش کے بیانے پر یو ٹرن، فیصل واوڈا کی سوالات کی بوچھاڑ

امریکی سازش کے بیانیے پر تحریک انصاف کے یوٹرن پر فیصل واوڈا نے سوالوں کی بوچھاڑ کردی۔

بلاول بھٹو زرداری نے یہ بھی کہا کہ مجھ سے لکھوا لو کہ پی ٹی آئی پنجاب اور خیبر پختونخوا اسمبلی سے استعفے نہیں دے گی، ان سے کہتا ہوں کہ استعفیٰ دینا چاہتے ہو تو دے دو۔

انہوں نے کہا کہ پیپلز پارٹی آپ کا مقابلہ کرنے تیار ہے، ملیر اور ملتان کے جیالوں نے آپ کو شکست دی، آزاد کشمیر میں ہم پی ٹی آئی کی ناک کے نیچے بلدیاتی الیکشن جیت چکے۔