فرمان الہی
نماز کے اوقات
جنوبی وزیرستان لوئر کے وانا رستم بازار میں بارودی مواد کے دھماکے میں 2 پولیس اہلکار شہید ہوگئے۔
ڈی ایس پی اصغر علی شاہ کے مطابق دھماکے میں 31 افراد زخمی بھی ہوئے ہیں۔
ڈی سی پی کے مطابق بارود سپر مارکیٹ میں گیٹ کے قریب نصب کیا گیا تھا۔
ڈی ایس پی اصغر علی شاہ کا کہنا تھا کہ زخمیوں میں 5 ایس ایچ او، 2 اے ایس آئی بھی شامل ہیں۔
پولیس حکام کے مطابق زخمیوں میں بچے بھی شامل ہیں، جبکہ ڈی ایچ کیو اسپتال وانا میں ایمرجنسی نافذ کردی گئی ہے۔
وزیراعلیٰ خیبر پختونخوا سہیل آفریدی نے جنوبی وزیرستان میں دھماکے کی مذمت کرتے ہوئے آئی جی پولیس کو واقعے کی تفصیلی رپورٹ پیش کرنے کی ہدایت کردی۔
وزیراعلیٰ خیبر پختونخوا کا کہنا ہے کہ صوبائی حکومت شہدا کے اہل خانہ کے غم میں برابر کی شریک ہے۔
ان کا کہنا تھا کہ دہشت گردوں کی بزدلانہ کارروائیاں ہمارے حوصلے پست نہیں کر سکتیں۔
