ملک کی معاشی حالات سے سب پریشان ہیں، شرجیل میمن

وزیراطلاعات سندھ شرجیل میمن کا کہنا ہے کہ ملک کی معاشی حالات سے سب پریشان ہیں، معاشی حالات یہاں تک لانے میں عمران خان ذمے دار ہیں۔

کراچی میں میڈیا سے گفتگو کرتے ہوئے شرجیل میمن نے کہا کہ کہتے ہیں کہ حکومت ختم کرنے جا رہے ہیں اور پنجاب کابینہ میں اضافہ ہو رہا ہے، خیبرپختونخوا میں ہر کاروباری شخص کو بھتے کی دھمکیاں آ رہی ہیں، اس وقت سب سے ز یادہ اسٹریٹ کرائمز پنجاب میں ہیں۔

انہوں نے کہا کہ پی ٹی آئی کی جہاں جہاں حکومت ہے وہاں بے امنی اور مہنگائی زیادہ ہے، پی ٹی آئی کی حکومت مہنگائی کنٹرول کرنے میں ناکام ہے، اغوا کے کیسز سب سے زیادہ خیبر پختونخوا میں ہیں۔

عمران خان آج صدرِ مملکت عارف علوی سے استعفیٰ دلوا کر دکھائیں، شرجیل میمن

وزیرِ اطلاعات سندھ شرجیل انعام میمن نے کہا ہے کہ عمران خان کا استعفوں کا اعلان دھوکا ہے، آج اتوار کا دن ہے، صدرِ مملکت عارف علوی سے استعفیٰ دلوا کر دکھائیں۔

شرجیل میمن کا کہنا ہے کہ اس وقت ملک میں مہنگائی کا طوفان ہے، آٹے کا ملک بھر میں بحران ہے، سندھ میں 65 روپے کلو آٹا فروخت کیا جا رہا ہے، پنجاب میں فی کلو آٹا 100 روپے سے زائد فروخت ہو رہا ہے۔

ان کا یہ بھی کہنا ہے کہ سندھ میں گندم کی کاشت پر فی ایکڑ ہر کسان کو 5 ہزار روپے دے رہے ہیں، سکھر میں پیپلز بس سروس شروع کی جا رہی ہے۔