پاک افغان سرحد باب دوستی کل سے کھولنے کا اعلان

ڈپٹی کمشنر چمن نے کل سے باب دوستی ہر قسم کی دوطرفہ تجارت کیلئے کھولنے کا اعلان کردیا۔

ڈپٹی کمشنر کا کہنا ہے کہ  سرحد کے دونوں جانب پھنسے تمام شہریوں کو آنے جانے کی اجازت بھی دے دی گئی۔

چمن میں افغان فورسز کی شہری آبادی پر بلا اشتعال فائرنگ، 6 پاکستانی شہری شہید

لیویز حکام کے مطابق پاکستانی مال بردار اور خالی ٹرک باب دوستی کے دونوں جانب پھنس گئے ہیں۔

واضح رہے کہ افغان بارڈر فورسز کی چمن میں شہری آبادی پر بھاری ہتھیاروں سے بلا اشتعال فائرنگ کے نتیجے میں 6 پاکستانی شہری شہید اور 17 زخمی ہوئے۔

جس کے بعد پاک افغان بارڈر باب دوستی کو ہر قسم کی آمدورفت کے لیے بند کردیا گیا،  دوطرفہ تجارت معطل کردی گئی اور کسٹم ہاؤس کو  بھی خالی کردیا گیا۔