کون ہے جو چاہتا ہے پاکستان میں انتخابات نہ ہوں، فرخ حبیب

25 دسمبر ، 2022

پاکستان تحریکِ انصاف کے رہنما فرخ حبیب نے کہا ہے کہ کون ہے جو چاہتا ہے کہ پاکستان میں انتخابات نہ ہوں، ملک کو آئین و قانون کے مطابق نہیں چلائیں گے تو ملک آگے کیسے بڑھے گا۔

فیصل آباد میں میڈیا سے گفتگو کرتے ہوئے فرخ حبیب نے کہا کہ موجودہ حکومت 8 ماہ قبل رجیم چینج کے تحت اقتدار میں آئی اور اس حکومت نے ملک کو پیچھے دھکیلا ہے، ان کا ایجنڈا پاکستان کی بہتری نہیں۔

فرخ حبیب نے کہا کہ موجودہ حکومت کا ایجنڈا لوٹ مار اور کرپشن کیسز کو معاف کرانا ہے۔

تحریکِ انصاف کے رہنما نے کہا کہ آصف زرداری کے کیس بند ہوئے اور شہباز شریف کا 16 ارب کا کیس بند ہو گیا جبکہ سلیمان شہباز مفرور و اشتہاری رہے، سرکاری پروٹوکول میں ملک آتے اور ضمانتیں لیتے ہیں۔