وفاقی حکومت معیشت سے کھیل رہی ہے: تیمور سلیم جھگڑا

خیبر پختون خوا کے وزیرِ صحت تیمور سلیم جھگڑا نے کہا ہے کہ وفاقی حکومت معیشت سے کھیل رہی ہے۔

پشاور میں انہوں نے میڈیا سے گفتگو کرتے ہوئے کہا کہ صوبے کو مالی مشکلات درپیش نہیں، ترقیاتی منصوبوں پر کام جاری ہے۔

تیمور سلیم جھگڑا نے کہا کہ اسپتالوں کے لیے طبی سامان کی خریداری میں مشکلات ہیں، رجسٹرڈ مریضوں کو ادویات ملنی چاہئیں۔

انہوں نے مزید کہا کہ صحت کارڈ میں کینسر اور کڈنی ٹرانسپلانٹ شامل کر رہے ہیں۔

خیبر پختون خوا کے وزیرِ صحت تیمور سلیم جھگڑا نے یہ بھی کہا ہے کہ حیات آباد کرکٹ اسٹیڈیم شائقین کے لیے کھول دیا ہے۔