• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی: پولیس کی فائرنگ سے جاں بحق عامر کی والدہ کی چیف جسٹس سے ایکشن لینے کی درخواست

تازہ ترین
قومی خبریں
27 دسمبر ، 2022
کولاج فوٹو: اسکرین گریب
کولاج فوٹو: اسکرین گریب

کراچی کے علاقے جوہر موڑ میں پولیس اہلکاروں کی مبینہ فائرنگ سے جاں بحق ہونے والے عامر حسین کی والدہ کا کہنا ہے کہ بیٹا اپنے والد کے لیے پانی اور پھل لینے گیا تھا۔

عامر حسین کی والدہ نے جیو نیوز سے خصوصی گفتگو کرتے ہوئے کہا کہ الہٰ دین پارک کے سامنے سے بیٹا نکل کر فلیٹ کی طرف جا رہا تھا۔


ان کا کہنا تھا کہ تین پولیس اہلکاروں نے رکنے کا کہا بیٹے نے گاڑی نہیں روکی، اہلکاروں نے بیٹے پر فلیٹ میں فائرنگ کی۔

کراچی: اشارے پر نہ رکنے والا نوجوان پولیس کی فائرنگ سے جاں بحق، تین اہلکار گرفتار

پولیس حکام کا کہنا ہے کہ فائرنگ پولیس اہلکاروں نے کی، دونوں اہلکاروں کا تعلق شاہین فورس سے ہے جنہیں حراست میں لے لیا گیا ہے۔

انہوں نے کہا کہ کوئی راستے میں نہ رکے تو گولی مار دیتے ہیں، چیف جسٹس سے درخواست ہے وہ ایکشن لیں۔

ان کا کہنا تھا کہ ہم بشیر ولیج میں رہتے ہیں، ڈیڑھ سال پہلے شادی ہوئی تین ماہ کا بیٹا ہے، عامر حسین کی بیوی اور بچے کا کیا ہوگا، واقعے کا مقدمہ درج کرائیں گے۔

مقتول عامر حسین کے بھائی نے جیو نیوز سے گفتگو کرتے ہوئے کہا کہ دو ماہ قبل والد کو فالج کا اٹیک ہوا تھا۔

مقتول کے بھائی احمد نے کہا کہ عامر والد سے ملنے روز آتا تھا، 4 بھائیوں میں تیسرے نمبر پر تھا۔

احمد نے مزید بتایا کہ واقعے کے وقت عامر کے ساتھ ایک 54 سال کا شخص اور تین سال کی بچی موٹر سائیکل پر تھے۔

قومی خبریں سے مزید