• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں 13 جنوری سے سردی بڑھے گی

انیبہ ضمیر شاہ
تازہ ترین
قومی خبریں
09 جنوری ، 2023
—فائل فوٹو
—فائل فوٹو

کراچی والے تیار ہوجائیں، 13 جنوری سے یہاں سردی کی شدت بڑھے گی، پارہ سنگل ڈیجٹ میں جانے والا ہے۔

موسمیاتی تجزیہ کارجواد میمن کے مطابق 14 جنوری سے سردی کی لہر پورے ملک کو اپنی لپیٹ میں لے سکتی ہے۔

ان کا کہنا ہے کہ 13 جنوری سے کراچی میں سردی کی شدت میں اضافہ ہونا شروع ہو جائے گا، 14 سے 17 جنوری کے دوران کراچی میں رات کا درجۂ حرارت سنگل ڈیجٹ میں جا سکتا ہے۔

جواد میمن نے بتایا کہ اس دوران کراچی کے مضافات میں درجۂ حرارت 4 سے 6 ڈگری سینٹی گریڈ تک بھی گر سکتا ہے۔

بلوچستان میں مغربی ہوائیں آج داخل ہونگی، کراچی میں سردی بڑھے گی

خشک اور خنک ہواؤں نے کراچی کا رخ کر لیا، سرد ہوائیں چلنے سے شہرِ قائد میں سردی کی شدت میں اضافہ ہو گیا ہے۔

انہوں نے مزید بتایا کہ سردی کی یہ لہر 18 جنوری تک ملک پر اثرانداز رہے گی، جس کی شدت بلوچستان میں زیادہ رہے گی۔

موسمیاتی تجزیہ کار جواد میمن نے یہ بھی بتایا ہے کہ اس دوران سندھ اور پنجاب کے میدانی علاقوں میں درجۂ حرارت 0 سے 2 ڈگری سینٹی گریڈ تک گر سکتا ہے۔

قومی خبریں سے مزید