فرمان الہی
نماز کے اوقات
پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ 100 فیصد سے زیادہ مطمئن ہوں کہ 172 ووٹ دکھا سکتے ہیں لیکن اس وقت ایسا کوئی خطرہ نہیں، 15جنوری کو بلدیاتی الیکشن ہوجائیں ہم باقی ایشوز کو بھی حل کرلیں گے۔
نجی ٹی وی سے گفتگو کرتے ہوئے وزیر خارجہ بلاول بھٹو زرداری نے کہا کہ عمران خان عوام کی خدمت کے بجائے پورا زور وزیراعظم بننے پر لگا رہے ہیں، عمران خان کو نظر آرہا ہے کہ یہ حکومت خارجہ سطح پر کامیاب ہوتی جا رہی ہے۔
وزیر خارجہ نے کہا کہ پاکستان کی معیشت مشکل میں اس لیے ہے کہ عمران خان نے اس میں دھکیلا ہے، عمران خان ہمیں سبوتاژ کرنے کی کوشش کر رہے ہیں لیکن ناکام ہوں گے۔
بلاول بھٹو نے مزید کہا کہ پنجاب میں آئینی عمل آگے بڑھے گا، ہم انتظار میں ہیں کہ عمران خان خیبر پختونخوا اسمبلی بھی تحلیل کریں۔
پی پی چیئرمین نے کہا کہ ہم نہ بلدیاتی اور نہ عام انتخابات سے ڈرتے ہیں، حیقیقت یہ ہے کہ ملک کو معاشی بحران اور سیلاب کا سامنا ہے۔
