• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دہشت گردوں کیخلاف آپریشن کے فیصلے کا مجاز فورم نیشنل سیکیورٹی کمیٹی ہے، وزیر دفاع

تازہ ترین
قومی خبریں
31 جنوری ، 2023
دہشت گردوں کیخلاف آپریشن کے فیصلے کا مجاز فورم نیشنل سیکیورٹی کمیٹی ہے، وزیر دفاع

وزیر دفاع خواجہ محمد آصف نے کہا ہے کہ دہشت گردوں کےخلاف آپریش کا فیصلہ کرنے کا مجاز فورم نیشنل سیکیورٹی کمیٹی (این ایس سی) ہے۔

پارلیمنٹ ہاؤس میں جیو نیوز سے گفتگو میں خواجہ آصف نے کہا کہ دہشت گردی کے خلاف ضرب عضب جیسا اتفاق رائے پیدا کرنے کی ضرورت ہے۔

دہشت گردی کے بیج ہم نے خود بوئے، جنگ ہماری دہلیز پر آگئی، خواجہ آصف

وزیر دفاع خواجہ محمد آصف نے کہا ہے کہ دہشت گردی کے بیج ہم نے خود بوئے ہیں، افغانستان میں لڑی جانے والی جنگ ہماری دہلیز پر آئی ۔

انہوں نے کہا کہ آپریشن سے متعلق انفرادی طور پر کوئی تبصرہ نہیں کرسکتا، اس حوالے سے مجاز فورم این ایس سی ہے۔

وزیر دفاع نے کہا کہ پشاور پولیس لائنز مسجد کا واقعہ آرمی پبلک اسکول (اے پی ایس) سانحے سے کم سانحہ نہیں۔

ان کا کہنا تھا کہ اے پی ایس سانحے کے وقت تمام سیاستدان اکٹھے ہوئے تھے، اس وقت قوم کو تمام تر اختلافات کے باوجود اتفاق رائے کی ضرورت ہے۔

خواجہ محمد آصف نے مزید کہا کہ امید ہے اسی طرح کا کوئی قدم وزیراعظم شہباز شریف اٹھائیں گے۔

قومی خبریں سے مزید