الیکشن کی تاریخ سے قبل مشاورت ضروری ہے، گورنر کے پی

گورنر خیبرپختونخوا غلام علی نے پشاور میں دہشتگردی کے واقعے کے بعد چیف الیکشن کمشنر کو خط لکھ کر الیکشن کی تاریخ دینے سے قبل مشاورت کی تجویز دی ہے۔

اپنے خط میں گورنر غلام علی نے کہا کہ خیبرپختونخوا میں حالیہ دہشت گردی کے واقعات کے بعد امن وامان کی صورتِ حال خطرناک ہوگئی ہے۔ 

انہوں نے اپنے خط میں لکھا کہ الیکشن کی تاریخ مقرر کرنے سے قبل الیکشن کمیشن قانون نافذ کرنے والے اداروں اور دیگر متعلقہ اداروں سے مشاورت کرے۔

خط میں کہا گیا ہے کہ الیکشن کمیشن متعلقہ اداروں اور سیاسی جماعتوں کو اعتماد میں لے تاکہ عام انتخابات کا پُرامن اور شفاف انعقاد ممکن ہوسکے۔