فرمان الہی
نماز کے اوقات
وفاقی دارالحکومت اسلام آباد کے ایف نائن پارک میں خاتون سے مبینہ زیادتی کے 2 ملزمان گرفتار کرلیے گئے ہیں۔
ذرائع کے مطابق ملزمان کو تھانہ گولڑہ کی حدود سے گرفتار کیا گیا ہے، بتدائی رپورٹ کے مطابق ملزمان نے اقبال جرم بھی کر لیا۔
ذرائع کا کہنا ہے کہ خاتون سے زیادتی کے واقعے کا مقدمہ تھانہ مارگلہ میں درج ہے۔
اس حوالے سے ذرائع کا مزید کہنا ہے کہ ملزمان کو سیف سٹی کیمروں کی مدد سے گرفتار کیا گیا، دونوں ملزمان کا تعلق صوابی سے ہے، متاثرہ خاتون نے بھی ملزمان کو شناخت کر لیا۔
دوسری جانب ترجمان اسلام آباد پولیس کا کہنا ہے کہ ایف نائن پارک میں خاتون سے مبینہ زیادتی واقعے کی تفتیش میں پیشرفت ہوئی ہے۔
ترجمان کے مطابق پولیس نے ملزمان کا سراغ لگا لیا ہے، تاحال کوئی گرفتاری عمل میں نہیں لائی گئی۔ وقوعہ سے متعلق پیشرفت سے آگاہ کیا جائے گا۔
واضح رہے کہ وفاقی دارالحکومت اسلام آباد کے ایف نائن پارک میں مسلح افراد کی جانب سے لڑکی سے مبینہ طور پر زیادتی کا واقعہ پیش آیا تھا۔
لڑکی ہواخوری کیلئے دوست کے ساتھ پارک آئی تھی، جسے مسلح افراد نے چہل قدمی کرتے وقت روکا اور دوست کو الگ لے گئے اور جان سے مارنے کی دھمکی دی تھی۔
ملزمان نے لڑکی کی جانب سے شور کرنے پر تھپڑ مارے تھے اور درختوں کے جھنڈ میں لے جا کر تشدد کرکے کپڑے پھاڑ ڈالے تھے اور زیادتی کا نشانہ بنایا تھا۔
