فرمان الہی
نماز کے اوقات
پاکستان سپر لیگ (پی ایس ایل) کے سیزن سیون کے میچ کے دوران اسٹیڈیم میں پی ایس ایل ترانے ’آگے دیکھ‘ پر اپنے شاندار ڈانس مووز سے سب کو اپنا دیوانہ بنانے والا واصف غفور ایک بار پھر میدان میں آ گیا۔
گزشتہ روز کراچی کنگز اور لاہور قلندرز کے درمیان کھیلے گئے میچ میں واصف غفور کو میدان میں ڈانس کرتے دیکھا گیا۔
پاکستان سپر لیگ کے آفیشل ٹوئٹر پیج پر واصف غفور کی تصاویر اور ڈانس کی ویڈیو شیئر کی گئی ہیں۔
واضح رہے کہ گزشتہ برس جیو نیوز کے پروگرام ’جیو پاکستان‘ میں گفتگو کرتے ہوئے واصف غفور نے انکشاف کیا تھا کہ وہ کرکٹ کے دیوانے ہیں اور ضلع میرپور خاص سے انڈر 19 کرکٹ کھیل چکے ہیں۔
انہوں نے بتایا تھا کہ گانا میرا شوق ہے اور مجھے کرکٹ کا جنون ہے، انہوں نے سپورٹ نہ ہونے کی وجہ سے کرکٹ کھیلنا چھوڑ دی اور ایک دوا ساز کمپنی میں کام شروع کر دیا ہے۔
نوجوان نے بتایا تھا کہ ان کے والدین بھی ان کی راتوں رات شہرت سے خوش ہیں لیکن وہ ایسے رقص کی حمایت نہیں کرتے۔
