اسٹیڈیم میں’آگے دیکھ‘ پر ڈانس کرنے والے کی گلوکاری کے چرچے

پاکستان سُپر لیگ کے سنسنی خیز میچ کراچی کنگز بمقابلہ لاہور قلندرز دیکھنے سے میر پور خاص سے آیا یہ کرکٹ کا متوالا سوشل میڈیا اسٹار بن گیا۔

میرپور خاص سے تعلق رکھنے والا یہ کرکٹ شائق واصف غفور کا کہنا ہے کہ وہ میچ دیکھنے چار گھنٹے کا سفر کر کے نیشنل اسٹیڈیم پہنچے۔

ہاتھ ملانے سے پہلے سجدہ کرو سجدہ، سرفراز احمد کی نسیم شاہ کو تاکید

پاکستان سپر لیگ (پی ایس ایل) کے سیزن سیون کے میچز جاری ہیں اور اس دوران میدان میں قومی کرکٹرز کے دل کو چھو لینے والے مناظر بھی دیکھنے کو مل رہے ہیں۔

انہوں نے کہا کہ میچ میں جیسے فخر زمان کو ہِٹ ہونا تھا ویسے ہی میری قسمت میں بھی ہِٹ ہونا لکھا تھا۔

اپنے ڈانس کے حوالے سے واصف نے بتایا کہ وہ کوئی پروفیشنل ڈانسر نہیں ہیں بلکہ بس گراؤنڈ میں میوزک چل رہا تھا تو سوچا ڈانس ہی کرلیا جائے۔

واصف غفور نے کہا کہ وہ کرکٹ کے بہت بڑے فین ہیں، تب ہی ایک لمبا سفر کر کے یہاں میچ دیکھنے پہنچے ہیں۔

انہوں نے ایک انٹرویو میں اپنی آواز کا بھی جادو جگایا۔ ڈانس مووز کے بعد ان کی گلوکاری کے بھی سوشل میڈیا پر چرچے ہیں۔

ویڈیو، اسٹیڈیم میں پی ایس ایل ترانے پر کرکٹ کے متوالے کا شاندار رقص

پی ایس ایل سیزن سیون کے سنسنی خیز میچز سے شائقینِ کرکٹ لطف اندوز ہورہے ہیں، اسٹیڈیم میں موجود کرکٹ کے متوالے بھی پی ایس ایل کے ایک ایک لمحے کو انجوائے کررہے ہیں۔

واضح رہے کہ پی ایس ایل کے آفیشل ٹوئٹر اکاؤنٹ پر اسٹیڈیم میں موجود ایک نوجوان کرکٹ کے متوالے واصف کے آفیشل پی ایس ایل ترانے پر ڈانس کی ویڈیو شیئر کی گئی تھی۔

نوجوان کے ڈانس مووز نے وہاں بیٹھے لوگوں کی توجہ تو اپنی جانب مبذول کروا ہی لی تھی لیکن سوشل میڈیا پر بھی اس ڈانس ویڈیو کے خوب چرچے ہیں۔

خیال رہے کہ 27 جنوری سے شروع ہونے والی پی ایس ایل کے سنسنی خیز میچز ایک ماہ تک جاری رہیں گے، پی ایس ایل کا فائنل 27 فروری کو لاہور میں کھیلا جائے گا۔