نیب نے پھر عثمان بزدار کو طلب کر لیا

نیب لاہور نے ایک بار پھر سابق وزیرِ اعلیٰ پنجاب عثمان بزدار کو طلب کر لیا، جس کا نوٹس بھی جاری کر دیا۔

نیب کی جانب سے جاری کردہ نوٹس کے مطابق عثمان بزدار کو کرپشن اور اختیارات کے ناجائز استعمال کے الزامات کی انکوائری کے لیے طلب کیا گیا ہے۔

نوٹس کے مطابق عثمان بزدار کو 22 مارچ کو دن 11 بجے نیب لاہور میں طلب کیا گیا ہے، ان کو ہدایت کی گئی ہے کہ وہ اپنے ساتھ تمام ریکارڈ بھی لے کر آئیں۔

نیب نے عثمان بزدار کو دوبارہ طلب کر لیا

قومی احتساب بیورو (نیب) لاہور نے آمدن سے زائد اثاثہ جات کے معاملے میں سابق وزیرِ اعلیٰ پنجاب سردار عثمان بزدار کو دوبارہ طلب کر لیا۔

نوٹس میں کہا گیا ہے کہ عثمان بزدار کو 3 مارچ کو طلب کیا گیا تھا لیکن وہ تسلی بخش جواب دینے میں ناکام رہے تھے۔