تحریک انصاف چھوڑنے والے رہنماؤں کی جہانگیر ترین سے ملاقاتیں

حالیہ دنوں میں پاکستان تحریکِ انصاف چھوڑنے والے رہنماؤں نے جہانگیر ترین سے ملاقاتیں کی ہیں۔

پاکپتن سے قومی اسمبلی کے سابق رکن احمد شاہ گھگہ اور پنجاب اسمبلی کے سابق رکن سعید اکبر نوانی نے جہانگیر ترین سے ملاقات کی۔

ذرائع کے مطابق رہنماؤں نے جہانگیر ترین کی نئی پارٹی میں شامل ہونے اور مستقبل کے سیاسی لائحہ عمل پر تبادلۂ خیال کیا۔

اس ملاقات کے حوالے سے ذرائع کا کہنا ہے کہ جہانگیر ترین نے پی ٹی آئی کے سابق رہنماؤں سے نئی پارٹی کے نام پر بھی بات چیت کی، ملاقات میں عون چوہدری بھی موجود تھے۔

ذرائع کے مطابق آئندہ دو تین روز میں پی ٹی آئی چھوڑنے والے مزید لوگ جہانگیر ترین سے ملاقاتیں کریں گے۔

جہانگیر ترین کے PTI کے 100 رہنماؤں سے ملاقاتیں اور رابطے

لاہور100 سے زائد سابق اور موجودہ پی ٹی آئی رہنماؤں...

ذرائع کا یہ بھی کہنا ہے کہ کچھ دن قبل پی ٹی آئی چھوڑنے والے ڈاکٹر امجد نے بھی جہانگیر ترین سے ملاقات کی ہے جس میں سیاسی صورتحال اور آئندہ کے لائحہ عمل پر مشاورت کی گئی ہے۔

ذرائع کے مطابق 100 سے زائد سابق اور موجودہ پی ٹی آئی رہنماؤں نے جہانگیر ترین سے رابطے اور ملاقاتیں کی ہیں۔