فرمان الہی
نماز کے اوقات
بڑے بجٹ کی بڑی فلم آدی پروش پر تنقید کے بعد گیتا سینن نے بیٹی کیرتی سینن کی حوصلہ افزائی کےلیے پیغام جاری کیا۔
فلم میں کیرتی سینن کے علاوہ پرابھاس اور سیف علی خان سے جیسے نامور اسٹارز نے بھی کام کیا ہے، تاہم اپنے ڈائیلاگز کی وجہ سے فلم کو مسلسل تنقید کا نشانہ بنایا جارہا ہے۔
ناقدین کا الزام ہے کہ فلم میں رامائن اور اس کے کرداروں کو مسخ کرکے پیش کیا گیا ہے۔
فلم پر مسلسل ہونے والی تنقید کے بعد اب گیتا سینن بھی کیرتی کے دفاع میں سامنے آگئیں اور فوٹوز اینڈ شیئرنگ ایپ پر اپنے پیغام میں بیٹی کی حوصلہ افزائی کی۔
انہوں نے اپنی تحریر میں کہا کہ اگر آپ کسی خاص چیز کو اچھی سوچ کے ساتھ دیکھیں گے تو دنیا بھی اسے خوبصورتی سے دیکھے گی۔
گیتا سینن نے مزید لکھا کہ انسان کی غلطیوں کو نہیں دیکھنا چاہیے بلکہ اس کے جذبات کو سمجھنا چاہیے۔
خیال رہے کہ ہر گزرتے دن کے بعد تنازعات کا شکار ہونے والی آدی پروش کے ایک ڈائیلاگ کو ہی تبدیل کرنا پڑ گیا، جس کے بعد فلم کے نئے پرنٹ میں تبدیل شدہ ڈائیلاگز کو شامل کردیا گیا۔
