فرمان الہی
نماز کے اوقات
میئر کراچی مرتضیٰ وہاب کی جانب سے بلدیہ ٹاؤن میں بچوں کے ساتھ فٹبال کھیلنے پر پاکستان فٹبال ٹیم کے سابق کپتان کلیم اللّٰہ نے دلچسپ تبصرہ کیا۔
مرتضیٰ وہاب نے بلدیہ ٹاؤن کا دورہ کرتے ہوئے خیبر مسلم رانا فٹبال گراؤنڈ میں فٹبال ٹورنامنٹ کا افتتاح کیا اور بچوں کے ساتھ فٹبال بھی کھیلی۔
میئر کراچی کی بچوں کے ساتھ فٹبال کھیلنے کی ویڈیو اپنے ٹوئٹر اکاؤنٹ پر شیئر کرتے ہوئے کلیم اللّٰہ نے کہا کہ ہمارے ساتھ ایک دن پریکٹس میچ سے آپ کی تکنیک کافی بہتر ہوگئی ہے۔
اس موقع پر میئر کراچی نے میڈیا سے گفتگو کرتے ہوئے کہا تھا کہ میں نے وعدہ کیا تھا کہ میں گراؤنڈ میں آکر فٹبال کھیلوں گا۔ شہر میں مثبت سرگرمیوں کو فروغ دینا ہماری ترجیحات میں شامل ہے، جس دن میں میئر منتخب ہوا اس روز مجھے بتایا گیا کہ بہت اچھا گراؤنڈ ہے۔
دوسری جانب میئر کراچی مرتضیٰ وہاب نے بلدیہ ٹاؤن کے پمپنگ اسٹیشن کا بھی دورہ کیا اور پمپنگ اسٹیشن کو فوری فعال کرنے کے احکامات جاری کیے۔
