فرمان الہی
نماز کے اوقات
دوسرے ون ڈے میچ میں زمبابوے نے پاکستان کے خلاف ٹاس جیت کر پہلے بیٹنگ کرنے کا فیصلہ کیا ہے۔
پاکستان ٹیم نے میچ میں اچھا آغاز کیا اور دونوں اوپنرز کی وکٹ 23 رنز پر حاصل کرلی، زمبابوے کی پہلی وکٹ 1.3 اور دوسری وکٹ 3.5 اوورز میں گر گئی۔
بعدازاں زمبابوے کی تیسری، چوتھی اور پانچویں وکٹ آغا سلمان نے حاصل کی، یوں آدھی ٹیم 20.2 اوورز میں 97 رنز پر پویلین لوٹ گئی۔
بلاوایو میں ٹاس کے بعد گفتگو کرتے ہوئے زمبابوے ٹیم کے کپتان نے کہا کہ ٹیم میں کوئی تبدیلی نہیں کی ہے۔
اس موقع پر پاکستان ٹیم کے کپتان محمد رضوان نے کہا کہ ہم ٹاس جیتتے تو بیٹنگ ہی کرتے، ہمارے لیے ہر دن اور ہر سیریز نئی ہوتی ہے۔
محمد رضوان نے کہا کہ ٹیم میں 2 تبدیلیاں کی ہیں، ابرار احمد اور طیب طاہر ڈیبیو کریں گے۔
آج کے میچ کے لیے قومی ٹیم میں 2 تبدیلیاں کی گئی ہیں، حسیب اللّٰہ کی جگہ طیب طاہر اور محمد حسنین کی جگہ ابرار احمد کو شامل کیا گیا ہے۔
پاکستانی ٹیم صائم ایوب، عبداللّٰہ شفیق، کامران غلام، محمد رضوان، سلمان آغا، طیب طاہر، عرفان نیازی، عامر جمال، حارث روف، فیصل اکرم اور ابرار احمد شامل ہیں۔
واضح رہے کہ 3 میچز کی سیریز کا پہلا میچ زمبابوے نے جیتا تھا۔
پاکستان اور زمبابوے کے درمیان جاری سیریز کے تمام میچزجیو سوپر براہِ راست نشر کر رہا ہے۔
