• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اعظم خان نےنیب میں 190 ملین پاؤنڈ کیس میں بیان ریکارڈ کرادیا

—فائل فوٹو
—فائل فوٹو

سابق وزیرِ اعظم، چیئرمین پی ٹی آئی کے پرنسپل سیکریٹری اعظم خان قومی احتساب بیورو (نیب ) کے سامنے پیش ہو گئے۔

اعظم خان نے نیب میں 190 ملین پاؤنڈ کیس میں بیان ریکارڈ کرایا ہے۔

نیب کی جانب سے اعظم خان کو تحقیقات کے لیے آج صبح 10 بجے طلب کیا گیا تھا۔

واضح رہے کہ برطانوی کرائم ایجنسی (این سی اے) کے 190 ملین پاؤنڈ اسکینڈل کے معاملے پر نیب راولپنڈی نے سابق وزیرِ اعظم، چیئرمین پی ٹی آئی کے پرنسپل سیکریٹری اعظم خان کو طلب کیا تھا۔

نیب نے اعظم خان کو طلبی کا نوٹس جاری کیا تھا اور انہیں راولپنڈی دفتر میں بلایا تھا۔

نیب کے نوٹس میں اعظم خان کو کیس سے متعلق دستاویزات بھی ہمراہ لانے کی ہدایت کی گئی تھی اور کہا گیا تھا کہ بطور گواہ نیب میں اپنا بیان ریکارڈ کروائیں۔

قومی خبریں سے مزید