فرمان الہی
نماز کے اوقات
امریکا کی ریاست کولوراڈو میں ایک شادی کی تقریب میں بن بلایا مہمان گھس آیا اور تو اور اس نے کھانے پر بھی ہاتھ صاف کرلیا۔
غیرملکی میڈیا کے مطابق بولڈر کاؤنٹی میں ہونے والی شادی کی تقریب میں بھالو نے میٹھی ڈشز کھائیں اور چلتا بنا۔
دلہن کی جانب سے سوشل میڈیا پر اس بن بلائے مہمان کی تصویر بھی شیئر کی گئی ہے۔
غیرملکی میڈیا سے گفتگو کرتے ہوئے دولہا برینڈن نے بتایا کہ شادی کے وقت بارش بھی ہو رہی تھی اور اوپر سے بھالو بھی وہاں آگیا، اس سے پہلے ایسا کبھی نہیں دیکھا۔
رپورٹس کے مطابق بعدازاں سیکیورٹی کی جانب سے بھالو کو وہاں سے بھگا دیا گیا اور اس سارے دلچسپ و عجیب واقعے کے دوران کسی کو کوئی نقصان نہیں پہنچا۔
