فرمان الہی
نماز کے اوقات
جناح اسپتال کراچی کے کچن میں غیر معیاری کھانے کے معاملے پر سیکریٹری صحت نے 5 رکنی کمیٹی تشکیل دے دی۔
نوٹیفیکشن کے مطابق کمیٹی چیئرمین اسپیشل سیکریٹری ہیلتھ ہوں گے، کراچی یونیورسٹی کے شعبہ فوڈ سائنس کے چیئرمین کمیٹی کے رکن ہوں گے۔
دیگر اراکین میں ڈائریکٹر سندھ فوڈ اتھارٹی کراچی، ڈائریکٹر ہیلتھ سروسز اور چیف ڈرگ انسپکٹر کراچی شامل ہیں۔
کمیٹی جناح اسپتال کے کچن اور یہاں کھانے پینے کی آنے والی اشیا کا معائنہ کرے گی۔
نوٹیفکیشن میں بتایا گیا کہ کمیٹی ملازمین کے بھی بیان قلمبند کرے گی، کمیٹی اپنی حتمی رپورٹ 7 دن میں سیکریٹری صحت کو بھیجے گی۔
سیکریٹری صحت اپنی رپورٹ وزیراعلیٰ سندھ کو ارسال کریں گے۔
واضح رہے کہ نگراں وزیراعلیٰ نے گزشتہ روز جناح اسپتال کے دورے پر کچن میں ناقص خوارک کی نشاندہی کی تھی۔
