مجھ کو محشر کی ندامت سے بچالو، آقاؐ

مجھ کو محشر کی ندامت سے بچا لو، آقاؐ

مجھ کو محشر کی ندامت سے بچالو، آقاؐ

بحرِ ظلمت میں، مَیں ڈوبا ہوں نکالو، آقاؐ

حشر کی دھوپ بدن چھیل رہی ہے میرا

اب تو کملی میں مُجھے اپنی چُھپالو، آقاؐ

گردشِ وقت کی یلغار بڑھی جاتی ہے

یہ مٹا دے نہ کہیں مُجھ کو، سنبھالو، آقاؐ

میرا جینا بھی وہاں آکے سوارت ہوجائے

اپنے دَر پر فقط اک بار بلالو، آقاؐ

دشمنوں کو مُجھے سینے سے لگانا آجائے

مجھ کو بھی اسوۂ حسنات میں ڈھالو، آقاؐ

آپؐ کے قدموں سے لپٹا ہے نہ جانے کب سے

اس گنہگار کو سینے سے لگالو، آقاؐ

(ذکی طارق بارہ بنکوی سعادت گنج، بارہ بنکی، یوپی، بھارت)