فرمان الہی
نماز کے اوقات
سعودی عرب کے فٹبال کلب النصر کے کھلاڑی کرسٹیانو رونالڈو نے مشہور ایرانی معذور آرٹسٹ فاطمہ سے ملاقات کی ہے۔
اس موقع پر انہوں نے بہت ہی محبت کے ساتھ فاطمہ سے ملاقات کی اور انہیں گلے لگا کر اپنی جرسی بھی تحفے میں دی۔
غیرملکی میڈیا کے مطابق جسم کا 85 فیصد حصہ فالج کا شکار ہونے کے باوجود فاطمہ نے 2020ء میں صرف اپنے پیروں کا استعمال کرتے ہوئے کرسٹیانو رونالڈو کا ایک غیر معمولی پورٹریٹ بنا کر اپنی شاندار صلاحیتوں کا مظاہرہ کیا تھا۔
علاوہ ازیں اسٹار فٹبالر نے ایران میں ہی اپنے کم عمر مداح سے بھی ملاقات کی جو ایران پہنچنے پر کرسٹیانو رونالڈو کو رش کے باعث نہ دیکھ پانے پر رو گیا تھا۔
مداح کے رونے کی ویڈیو وائرل ہونے کے بعد النصر کلب کے عہدیداروں نے اس کم عمر مداح کی خواہش پوری کرتے ہوئے ہوٹل میں اس کی کرسٹیانو رونالڈو کے ساتھ ملاقات کروائی تھی۔
یاد رہے کہ حال ہی میں کرسٹیانو رونالڈو کا ایران آنے پر عوام نے شاندار استقبال کیا تھا۔
