رنبیر کپور کی فلم اینیمل پہلے دن 60 کروڑ تک کماسکتی ہے، بھارتی میڈیا

بالی ووڈ اداکار رنبیر کپور کی فلم اینیمل کی پہلے دن 60 کروڑ کی کمائی کا امکان سامنے آیا ہے۔

اینیمل سندیپ ریڈی وانگا کی بطور ہدایت کار تیسری فلم ہے، جس میں رنبیر کپور، رشمیکا مندانہ ، انیل کپور اور بوبی دیول مرکزی کردار ادا کررہے ہیں۔

اینیمل کے ہدایتکار کی شاہ رخ کے ساتھ کام کرنے کی خواہش

بھارتی فلم اینمل کے ہدایت کار سندیپ ریڈی وانگا نے بالی ووڈ کے بادشاہ شاہ رخ خان کے ساتھ کام کرنے کی خواہش ظاہر کردی۔

فلم پنڈتوں نے توقع ظاہر کی ہے کہ فلم کی تمام زبانوں میں پہلے دن کی ممکنہ آمدن 60 کروڑ ہوسکتی ہے جو کہ شاہ رخ خان کی پٹھان سے زیادہ ہوگی۔

فلم تجزیہ کاروں نے 60 کروڑ کی آمدنی کا تخمینہ صرف بھارت بھر سے لگایا ہے، بھارتی زبان میں ساڑھے 49 کروڑ جبکہ 10 کروڑ تیلگو سرکٹ سے آسکتے ہیں۔

بھارتی میڈیا کی رپورٹس میں یہ امکان بھی ظاہر کیا جارہا ہے کہ فلم اینیمل دنیا بھر سے پہلے دن 100 کروڑ کا بزنس کرسکتی ہے۔