فرمان الہی
نماز کے اوقات
سال 2023 کے اختتام میں اب بس کچھ ہی دن باقی ہیں ، یہ سال کیسے پلک جھپکتے ہی نکل گیا کہ مانو کل کی ہی بات ہو کہ سال کا آغاز ہوا تھا اور اب ہم نئے سال کی آمد کی تیاریاں کر رہے ہیں۔
سال نو میں قدم رکھنے سے قبل آئیے چلتے ہیں ایک نظر پیچھے موڑ کر دیکھتے ہیں کہ اس گزرے سال میں آپ کا اور ہمارا ساتھ انٹرٹینمنٹ کی دنیا میں کس قدر مضبوط رہا۔
آپ نے انٹرٹینمنٹ کی کس خبر کو کتنی دلچسپی سے پڑھا اور کس فنکار کے بارے میں جاننا چاہا۔
جنگ کے قارئین نے ہمیشہ کی طرح ایک بار پھر ثابت کیا ہے کہ وہ لیجنڈری فنکاروں کو نہیں بھولے۔ سال 2023 میں شوبز انڈسٹری کے سینئر فنکار چاہئے وہ پاکستان سے ہوں یا پڑوسی ملک سے انٹرٹینمنٹ کی گیٹیگری میں چھائے رہے۔
1: ماضی کے معروف تھیٹر اور کامیڈی اداکار انور علی اب کہاں ہیں؟
جنگ کے قارئین کو ماضی کے معروف تھیٹر اور کامیڈی اداکار انور علی کی اسکرین سے دوری کی وجہ میں سب سے زیادہ دلچسپی رہی۔
انہوں نے تھیٹر میں فحاش کلچر کو پروان چڑھتا دیکھ کر، اسلام کی خاطر شوبز اڈسٹری چھوڑنے کا فیصلہ کیا اور چند دکانیں خرید کر کاروبار کا آغاز کیا۔
2: بشریٰ انصاری نے دوسری شادی کی تصدیق کر دی
جیو کے بلاک بسٹر ڈرامہ سیریل تیرے بن میں ماں بیگم کا کردار اداکرنے والی پاکستان کی مایاناز اداکارہ بشریٰ انصاری کی دوسری شادی کے حوالے سے شائع ہونے والی خبر بھی خوب پڑھی گئی۔
3: رجنی کانت کیلئے 100 کروڑ کا چیک اور لگژری گاڑی کا تحفہ
بھارت میں سب سے زیادہ معاوضہ اور مقبولیت حاصل کرنے والے اداکار رجنی کانت جنگ ویب پر بھی چھائے رہے۔ حال ہی میں ریلیز ہونے والی ان کی فلم جیلیر کی کامیابی پر پروڈکشن ہاؤس کی جانب سے انہیں 100 کروڑ کا چیک اور لگژری گاڑی بطور تحفہ دی گئی۔
4: کاش ارینج میرج ہوئی ہوتی تو یہ مجھ پر احسان ہوتا، جمائما
پی ٹی آئی کے سابق چیئرمین و سابق وزیرِاعظم کی سابق اہلیہ جمائما گولڈ اسمتھ کے پسند کی شادی پر پچھتاوے کے اظہار میں بھی جنگ کے قارئین نے خاصی دلچسپی دکھائی۔
انہوں نے ارینج میرج کے حوالے اپنے خیالات کا اظہار اپنی فلم ’واٹس لوو گاٹ ٹو ڈو وود اٹ‘ کی تشہیری مہم کے دوران انٹرویو دیتے ہوئے کیا تھا۔
5: اسلام کی خاطر شوبز چھوڑنے والے 13 معروف فنکار
قارئین کو یہ جاننے بھی دلچسپی رہی کہ کس کس نے دین حق کی خاطر شوبز انڈسٹری کو مکمل یا جزوی طور پر خیر باد کہہ دیا۔
اس کے وعلاوہ سوشل میڈیا پر لیک ہونے والی حریم شاہ کی غیر اخلاقی ویڈیوز، کرن اشفاق کی انسٹا اسٹوریز کے سبب کھڑا ہونے والا نیا تنازع، بھاگیاشری پر بیٹے کی پیدائش کے دوسرے دن سلمان سے افیئر کا الزام، مومل شیخ کا والد کی شہرت سے والدہ کا غلط فائدہ اُٹھانے کا اعتراف اور سینئر اداکار شکیل کے انتقال کی خبر بالترتیب جنگ ویب سائٹ کی انٹرٹینمنٹ کی کیٹیگری میں سب سے زیادہ پڑھی جانے والی خبروں میں شامل ہیں۔
