فرمان الہی
نماز کے اوقات
کراچی میں تین ہٹی کے قریب جھگیوں میں آگ لگنے سے 300 سے زائد جھگیاں مکمل طور پر جل گئیں۔
لیاری ایکسپریس وے کے ساتھ تین ہٹی پر قائم جھگیوں میں اچانک آگ بھڑک اٹھی جس نے دیکھتے ہی دیکھتے 100 سے زائد جھگیوں کو اپنی لپیٹ میں لے لیا۔
آگ پر قابو پانے کے لیے پہلے چار پھر مزید تین فائر ٹینڈرز موقع پر پہنچے اور ایک گھنٹے کی جدوجہد کے بعد آگ پر قابو پایا۔
ریسکیو حکام کے مطابق آتشزدگی کے اس واقعے میں300 سے زائد جھگیاں مکمل طور پر جل گئی۔
بروقت ریسکیو آپریشن کے دوران تمام افراد کو جھگیوں سے نکال لیا گیا تھا جس کی وجہ سے کوئی جانی نقصان نہیں ہوا۔
پولیس کا کہنا ہے کہ جھگیوں میں آگ کیسے لگی، تحقیقات شروع کردی گئی ہیں۔
فائر بریگیڈ حکام کا کہنا ہے کہ7 فائر ٹینڈر نے آگ بجھانے میں حصہ لیا، جس پر قابو پالیا گیا ہے۔
ریسکیو ادارے کا کہنا ہے کہ اب تک کسی جانی نقصان کی اطلاع موصول نہیں ہوئی، جھگیوں میں سے تمام افراد کو با حفاظت نکال لیا گیا ہے۔
