فرمان الہی
نماز کے اوقات
امیرِ جماعت اسلامی کراچی حافظ نعیم الرحمٰن نے کہا ہے کہ جماعت اسلامی کراچی سے بڑی تعداد میں سیٹیں جیتے گی۔
کراچی میں پریس کانفرنس کرتے ہوئے حافظ نعیم الرحمٰن نے کہا کہ 35 سال سے ایم کیو ایم اور پیپلز پارٹی حکومت میں رہیں، دونوں کا عوام میں کوئی مقام نہیں۔
انہوں نے کہا کہ ہمارا مقصد تعلیمی بجٹ کو تعلیم پر لگانا ہے، کراچی میں 4 میٹرو ٹرین اور چار ہزار بسیں چلائیں گے، ہم چنگچی فری اور عزت والی ٹرانسپورٹ چاہتے ہیں۔
حافظ نعیم الرحمٰن کا کہنا ہے کہ کل پی پی اور ایم کیو ایم کے درمیان جھگڑا ہوا، میں حیران ہوں کہ قانون نافذ کرنے والے ادارے حرکت میں نہیں آ رہے، ٹرن اوور کم کرنے کی سازش ہے، عوام خوف کے بت توڑیں۔
امیرِ جماعت اسلامی کراچی نے کہا کہ کے الیکٹرک کے بیس سال کے لائسنس کو چیلنج کریں گے، کے الیکٹرک کی اجارہ داری کو ختم ہونا چاہیے۔
ان کا کہنا ہے کہ ٹھیکیداری نظام کا خاتمہ کریں گے، پی پی غیر مقبول ہوتی جا رہی ہے، یہ قتل و غارت آپس میں مل بانٹ کر کھانے کی سازش ہے، بعد میں یہ لوگ مل کر کھاتے ہیں۔
انہوں نے کہا کہ انٹر رزلٹ کو کسی جماعت نے ٹیک اپ نہیں کیا، انٹر کا رزلٹ معطل کیا جائے، گریس مارکس دے کر آگے بڑھانے کا پلان بنایا گیا ہے، بچوں کے مستقبل کے ساتھ نہیں کھیلنے دیں گے، کیا کراچی کے بچوں کے پاس تعلیمی لیول پلیئنگ فیلڈ ہے؟ مسئلہ حل نہیں ہوا تو انتخابات والے دن بھی سی ایم کے پاس بیٹھوں گا۔
حافظ نعیم الرحمٰن کا مزید کہنا ہے کہ آزاد امیدوار بک رہے ہیں، یہ آزاد امیدوار بانی پی ٹی آئی کے نام پر ووٹ لے رہے ہیں، ہم کسی ادارے سے نہیں لڑنا چاہتے۔
