فرمان الہی
نماز کے اوقات
پنجاب پولیس نے راجن پور سرکل کے بنگلہ اچھا میں لونڈ گینگ کے خلاف کامیاب ٹارگٹڈ آپریشن کرکے 3 مغویوں کو بازیاب کرالیا۔
ترجمان پنجاب پولیس کے مطابق کچہ ایریا تھانہ بنگلہ اچھا کی حدود میں 3 مغویوں کی بازیابی کیلیے انٹیلی جنس بیسڈ آپریشن کیا گیا۔
پولیس کا کہنا ہے کہ لونڈ گینگ کے ڈاکوؤں نے 3 شہریوں کو اغوا کیا، پولیس ٹیم نے ڈاکوؤں کا تعاقب کیا۔
ترجمان پنجاب پولیس نے بتایا کہ راجن پور پولیس کی پیش قدمی پر ڈاکوؤں نے پولیس ٹیم پر شدید فائرنگ کی۔
اس موقع پر پولیس اور ڈاکوؤں کے مابین شدید فائرنگ کا تبادلہ کافی دیر تک جاری رہا۔
راجن پور پولیس کی بھرپور جوابی فائرنگ کے نتیجے میں ڈاکو اندھیرے کا فائدہ اٹھا کر فرار ہوگئے۔
ترجمان پنجاب پولیس کا کہنا ہے کہ کامیاب پولیس آپریشن کے نتیجے میں مغویان کو بحفاظت بازیاب کرا لیا گیا۔
