فرمان الہی
نماز کے اوقات
کراچی( اسٹاف رپورٹر )پا کستان رینجرز (سندھ) کی جا نب سے کراچی شہر میں 8 فروری کو ہونے والے جنرل الیکشن کے حوالے سے سیکیورٹی کے انتہائی سخت انتظامات کئے گئے ہیں۔جنرل الیکشن کی مناسبت سے سندھ رینجرز نے پاک فوج اور پولیس کے ہمراہ کراچی کے مختلف علاقوں میں مشترکہ فلیگ مارچ کیا۔ فلیگ مارچ کراچی کے مختلف علاقوں نیو کراچی، صبا سینما، پاور ہاؤس چورنگی، ڈسکو موڑ، یو پی موڑ، لیاقت آباد، گولیمار چورنگی، بڑا بورڈ، ڈاکخانہ، سندھی ہوٹل، شریف آباد، ناظم آباد نمبر 4، گول مارکیٹ، بلدیہ ٹاؤن، روبی موڑ، فرنیچر مارکیٹ، چاندنی چوک، مواچھ موڑ، ٹینک چوک، بسمہ اللہ مارکیٹ، گلشن غازی موڑ، کے ڈی اے چورنگی، بورڈ آفس اور ایکسپو سینٹر میں کیا گیا۔ فلیگ مارچ 8 فروری 2024 کوہونے والے جنرل الیکشن کے حوالے سے متعلقہ ذمہ داری کے علاقے میں حفاظتی اقدامات کو یقینی بنانے کے لیے کیا جا رہا ہے۔
