فرمان الہی
نماز کے اوقات
ہیومین رائٹس کونسل آف پاکستان (ایچ آر سی پی) نے بھارتی صوبے بہار کے وزیرِ اعلیٰ نتیش کمار کے مسلمان خاتون ڈاکٹر کا نقاب کھینچنے کے عمل پر ردِعمل دیا ہے۔
ایچ آر سی پی نے مذمتی بیان میں کہا ہے کہ مسلم خاتون کے حجاب کو سرِعام زبردستی ہٹانا پوری مسلم اُمہ کے مذہبی جذبات کی کھلی توہین ہے۔
مذمتی بیان میں کہا گیا ہے کہ وزیر اعلیٰ نتیش کمار کا مسلمان خاتون ڈاکٹر کا نقاب کھینچنے کا عمل غیر انسانی اقدام ہے۔
ایچ آر سی پی نے کہا ہے کہ نتیش کمار کا اقدام غیر اخلاقی ہے اور خواتین کے تحفظ، مساوات اور مذہبی آزادی کے عالمی اصولوں کی صریح خلاف ورزی ہے۔
بیان میں بھارتی حکومت سے اس واقعے کی تحقیقات کرانے کا مطالبہ کیا گیا ہے اور کہا گیا ہے کہ متاثرہ خاتون ڈاکٹر کو مکمل تحفظ اور انصاف فراہم کیا جائے۔
ایچ آر سی پی نے کہا ہے کہ کسی بھی عورت کے جسم، لباس یا مذہبی شناخت میں زبردستی مداخلت انسانی وقار کی سنگین پامالی ہے۔
