فرمان الہی
نماز کے اوقات
آئی سی سی چیمپئنز ٹرافی 2025ء کی میزبانی پاکستان کے پاس ہے جس کے انتظامات کا جائزہ لینے کے لیے آئی سی سی کا وفد پاکستان پہنچا اور نیشنل اسٹیڈیم کراچی کا دورہ کیا۔
دو رکنی آئی سی سی وفد سینئر منیجر و ایونٹ آپریشنز سارا ایڈگر اور منیجر عون زیدی پر مشتمل تھا جنہوں نے نیشنل بینک اسٹیڈیم کا دورہ کیا اور وہاں انتظامات کا جائزہ لیا۔
پی سی بی کے سی او سلمان نصیر نے وفد کو بریفنگ دی، وفد نے گراؤنڈ ، ڈرسنگ روم، آفیشلز روم، میڈیا باکس، چیئرمین باکس اور گیلری کا تفصیلی جائزہ لیا۔
آئی سی سی وفد میں شامل ہیڈ آف ایونٹ کرس ٹیٹلے کراچی نہیں آئے ممکن ہے وہ راولپنڈی میں ٹیم کو جوائن کریں گے، وفد نے کراچی کے مختلف فائیو اسٹار ہوٹلز کا بھی جائزہ لیا۔
وفد آج شام لاہور روانہ ہو گا جہاں وہ قذافی اسٹیڈیم اور ہھر راولپنڈی اسٹیڈیم کا دورہ کرے گا۔
پی سی بی کے سی او سلمان نصیر، ڈائریکٹرانٹرنیشنل عضمان واہلہ اور ایس ڈی ایم لاجسٹک اسد مصطفیٰ بھی آئی سی سی وفد کے ہمراہ نیشنل اسٹیڈیم میں موجود تھے۔
