• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، پولیس افسر کا گھر سے سرکاری پستول چوری

تازہ ترین
قومی خبریں
29 مارچ ، 2024
فائل فوٹو
فائل فوٹو

کراچی میں پولیس افسر کے گھر سے اس کا سرکاری پستول چوری ہوگیا، واقعے کا مقدمہ درج کرکے تحقیقات کا آغاز کردیا گیا۔

پولیس حکام کے مطابق ایس پی شاہ جہاں بلوچ پولیس ٹریننگ سینٹر سعید آباد میں رہائش پذیر ہیں اور ان کی سرکاری رہائش گاہ سے ان کا سرکاری اسلحہ نائن ایم ایم پستول چوری ہوگیا۔ 

واقعے کا مقدمہ سعید آباد تھانے میں درج کرلیا گیا ہے، ایف آئی آر کے مطابق واقعہ 3 مارچ کو پیش آیا تھا اور مقدمہ 15 مارچ کو درج کرایا گیا۔ 

واقعے کے دن ایس پی اپنی فیملی کے ہمراہ گھر سے باہر گئے ہوئے تھے اور جب واپس آکر دیکھا تو اسلحہ نہیں ملا، شبہ ہے کہ کسی نے اسلحہ چوری کرلیا۔ 

پولیس حکام واقعے کی مزید تحقیقات کررہے ہیں۔

قومی خبریں سے مزید