فرمان الہی
نماز کے اوقات
عالیہ رشید نے پاکستان کرکٹ بورڈ کی ڈائریکٹر میڈیا اینڈ کمیونیکیشن کے عہدے سے استعفیٰ دے دیا جس کے بعد سمیع برنی کو دوبارہ ڈائریکٹر میڈیا مقرر کردیا گیا ہے۔
عالیہ رشید پی سی بی سے مستعفی ہونے والی تیسری ڈائریکٹر ہیں، اس سے قبل ڈائریکٹر کمرشل اور لیگل بھی مستعفی ہو چکے ہیں۔
دوسری جانب سمیع برنی کو عالیہ رشید کے استعفے کے بعد ذمہ داری دی گئی ہے، وہ اس سے قبل بھی پی سی بی کے ڈائریکٹر میڈیا رہ چکے ہیں۔ سمیع برنی ذکا اشرف دور میں عہدے سے الگ ہوئے تھے۔
گزشتہ سال اکتوبر میں پاکستان کرکٹ بورڈ (پی سی بی) نے سینئر اسپورٹس جرنلسٹ عالیہ رشید کو ڈائریکٹر میڈیا اینڈ کمیونیکیشن مقرر کیا تھا۔
عالیہ رشید پی سی بی میں میڈیا ہیڈ کے طور پر کام کرنے والی پہلی خاتون ڈائریکٹر تھیں۔
دوسری جانب ذرائع کا کہنا ہے کہ عامر میر کو پی سی بی کے میڈیا ڈیپارٹمنٹ میں ذمہ داریاں دینے کا امکان ہے۔
ذرائع کے مطابق عامر میر کو پی سی بی میں میڈیا کنسلٹنٹ کی ذمہ داری فوری دیے جانے کا امکان ہے۔
