فرمان الہی
نماز کے اوقات
کراچی کے علاقے سائٹ میٹروول میں ڈکیتی کے دوران 2 افراد کے قتل میں ملوث ملزمان کی تصاویر سامنے آ گئیں، تصاویر واردات کے بعد رقم لوٹ کر فرار ہونے کی ہیں۔
سائٹ میٹروول میں ڈکیتی کے دوران 2 افراد کے قتل کی تحقیقات جاری ہیں، واردات میں ملوث مبینہ ملزمان کی سی سی ٹی وی تصاویر سامنے آئی ہیں۔
تصاویر میں موٹر سائیکل پر سوار 2 ملزمان کو دیکھا جا سکتا ہے جو رقم لوٹ کر فرار ہو رہے ہیں، لوٹی گئی رقم بھی ملزمان کے پاس موجود نیلے شاپر میں دیکھی جا سکتی ہے۔
واضح رہے کہ گزشتہ روز ملزمان نے کار میں بیٹھے 2 افراد کو فائرنگ کر کے قتل کر دیا تھا اوران سے 1 کروڑ 26 لاکھ روپے لوٹ کر فرار ہو گئے تھے۔
پولیس اس بڑی ڈکیتی میں ملوث ملزمان کو تاحال گرفتار نہیں کر سکی ہے۔
