ضمنی انتخابات، وزیراعظم کی نو منتخب ارکان قومی و صوبائی اسمبلی کو مبارکباد

وزیراعظم شہباز شریف نے ضمنی انتخابات میں نو منتخب ارکان قومی و صوبائی اسمبلی کو مبارک باد دی ہے۔

اپنے بیان میں وزیراعظم شہباز شریف نے کہا ہے کہ ضمنی انتخابات میں مسلم لیگ ن کے امیدواروں کی جیت عوام کے اعتماد کا مظہر ہے۔

ان کا کہنا تھا کہ پوری دیانت داری اور محنت سے عوام کے اعتماد پر پورا اترنے کی کوشش کریں گے۔

قومی اور صوبائی اسمبلیوں کے 14 حلقوں کے ضمنی الیکشن میں 6 نئے اور 8 پرانے چہرے منتخب

لاہور پنجاب سے قومی اور صوبائی اسمبلیوں کے 14حلقوں...

شہباز شریف نے کہا کہ ملک میں معاشی بہتری کے واضح آثار کے ساتھ عوامی رائے میں تبدیلی بھی نمایاں ہو رہی ہے۔ معاشی بہتری کے ساتھ آنے والے وقت میں عوامی رائے مزید تبدیل ہوگی۔

وزیراعظم شہباز شریف نے مزید کہا کہ عالمی مالیاتی اداروں اور معاشی سروے میں معاشی بہتری کی پیش گوئیوں نے عوام کی رائے پر مثبت اثر ڈالا ہے۔