بیٹی کی ہندی کمزور کیوں؟ منوج باجپائی کا دلچسپ جواب

27 اپریل ، 2024

بھارتی اداکار منوج باجپائی نے اپنی بیٹی آوا کی ہندی کمزور ہونے کی وجہ بتادی اور یہ بھی بتایا کہ انکی بیٹی کی ہندی آہستہ آہستہ بہتر ہو رہی ہے۔

ہندی سنیما میں منوج باجپائی کے کیریئر نے کئی نشیب و فراز دیکھے، لیکن پھر بھی انہوں نے انڈسٹری میں اپنا نام بنایا۔

منوج باجپائی نے اپنی جاندار پرفامنس کی بنیاد پر مداحوں کے دلوں میں اپنی جگہ بنائی اور فلمی دنیا میں اپنی الگ پہچان بنائی۔

منوج ہندی میں اپنے ڈائیلاگ ڈیلوری کی وجہ سے بھی شہرت رکھتے ہیں لیکن انکی بیٹی ان سے کچھ مختلف دکھائی دیتی ہیں۔

ایک تازہ انٹرویو کے دوران منوج باجپائی کا کہنا تھا کہ کیونکہ میری بیٹی نے ہندی میں اچھے نمبرز لینا شروع کردیے اسکی ہندی میں آہستہ آہستہ بہتری آرہی ہے۔

جب ان سے سوال کیا گیا کہ انکی بیٹی آوا کی ہندی اتنی کمزور کیوں ہے؟ جس پر انہوں نے وجہ بتاتے ہوئے کہا کہ وہ اسکول میں ہندی نہ بولے، حتیٰ کہ گھر پر ہم بھی ہندی نہیں بولیں تو مسئلہ تو ہوگا۔ پھر تو وہ ٹیلر سوئفٹ کو ہی سنے گی۔

انٹرٹینمنٹ سے مزید