گندم اسکینڈل: تحقیقاتی کمیٹی نے سابق نگراں وزیر خزانہ شمشاد اختر کو بھی طلب کرلیا

گندم درآمد اسکینڈل کی تحقیقاتی کمیٹی نے سابق نگراں وزیر خزانہ ڈاکٹر شمشاد اختر کو بھی کل طلب کرلیا ہے۔

ذرائع کے مطابق گندم اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کی طلبی کے بعد ڈاکٹر شمشاد اختر کو بلالیا ہے۔

گندم اسکینڈل، تحقیقاتی کمیٹی نے انوار الحق کاکڑ کو طلب کرلیا

گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔

ذرائع کے مطابق سابق سیکریٹری فوڈ محمد آصف نے تحقیقاتی کمیٹی کے روبرو اپنا بیان ریکارڈ کروادیا ہے۔

ذرائع کے مطابق کمیٹی کے سامنے سابق سیکریٹری فوڈ سیکیورٹی کیپٹن (ر) محمد محمود نے بھی بیان ریکارڈ کرادیا ہے۔

تحقیقاتی کمیٹی نے نگراں دور حکومت میں گندم درآمد کرنے کی اجازت دینے کے معاملے میں ڈاکٹر شمشاد اختر کو کل طلب کیا ہے۔

وزیراعظم شہباز شریف کی تشکیل کردہ تحقیقاتی کمیٹی کی سربراہی سیکریٹری کابینہ ڈویژن کامران علی افضل کر رہے ہیں۔