کرغزستان: ایک پاکستانی طالب علم زخمی حالت میں اسپتال میں ہے، پاکستانی سفیر

کرغزستان میں تعینات پاکستانی سفیر حسن ضعیم کا کہنا ہے کہ بشکیک میں صورتحال کنٹرول میں ہے، صرف ایک پاکستانی طالب علم زخمی حالت میں اسپتال میں ہے۔

گورنر سندھ کامران ٹیسوری نے کرغزستان میں پاکستانی سفیر اور پاکستان میں کرغزستان کے سفیرسے رابطہ کیا، کرغزستان کے سفیر نے گورنر سندھ کو صورتحال سے آگاہ کیا۔

کرغزستان: پاکستانی سفیر نے بشکیک کی صورت حال سے آگاہ کردیا

پاکستانی سفیر حسن ضیغم نے کہا کہ ایک پاکستانی طالب علم شاہزیب بشکیک کے اسپتال میں زیر علاج ہیں،

کامران ٹیسوری نے پاکستانی طلبا پرحملوں کے متعلق کرغزستان کے سفیر کو تحفظات سے آگاہ کیا۔

گورنر سندھ نے کہا کہ زخمی پاکستانی طلبا کو علاج و معالجے کی بہترین سہولتیں فراہم کی جائیں، پاکستانی سفارتخانہ پاکستانی طالبعلموں کی ہر ممکن مدد یقینی بنائے۔