9 مئی کے کردار عدلیہ ضرور بے نقاب کرے گی، گورنر سندھ

گورنر سندھ کامران خان ٹیسوری نے کہا ہے کہ 9 مئی کے کردار عدلیہ کے فیصلوں سے ضرور بے نقاب ہوں گے۔

پریس کانفرنس کرتے ہوئے گورنر سندھ کامران ٹیسوری کا کہنا تھا کہ شہداء کی یادگاروں کو مسمار کیا لیکن معافی مانگنے کو تیار نہیں ہیں۔

انہوں نے کہا کہ افواج پاکستان کو سلام پیش کرنا چاہیے کہ جس نے سانحہ نو مئی کو ایک گولی بھی نہیں چلائی۔

9 مئی حملے ملک کیخلاف سوچی سمجھی سازش تھی، گورنر سندھ

گورنر سندھ کامران ٹیسوری نے کہا ہے کہ 9 مئی کو فورسز پر حملہ قابل مذمت فعل تھا، 9 مئی کو قومی تنصیبات پر حملہ ملک کے خلاف سوچی سمجھی سازش تھی۔

گورنر سندھ کا کہنا تھا کہ نوجوانوں کو سمجھنا ہے کہ وہ منفی باتیں نہ سنیں، گزشتہ حکومت نے پچاس لاکھ گھروں کا کہا لیکن ایک گھر نظر نہیں آیا۔

انہوں نے کہا کہ سندھ جائیں آپ کو 6 لاکھ گھر تعمیر ہوئے نظر آئیں گے، جس کے لیے بلاول بھٹو کو خراج تحسین پیش کرتا ہوں۔

گورنر سندھ کامران ٹیسوری کا مزید کہنا تھا کہ وعدہ کسی اور نے کیا مگر گورنر ہاؤس کو آئی ٹی یونیورسٹی میں نے بنا کر دکھایا۔