کنگنا رناوت کا الیکشن میں کامیابی کے بعد فلم انڈسٹری چھوڑنے کا عندیہ

بالی ووڈ اداکارہ کنگنا رناوت نے عندیہ دیا ہے کہ وہ لوک سبھا الیکشن میں کامیابی کے بعد فلم انڈسٹری چھوڑ دیں گی۔

کنگنا بھارتی لوک سبھا کے الیکشن میں حصہ لے رہی ہیں اس کے علاوہ اداکاری میں بھی ان کے کئی پروجیکٹس پائپ لائن میں ہیں۔

اپنے حالیہ انٹرویو میں کنگنا نے لوک سبھا الیکشن کے بعد بالی ووڈ کو خیرباد کہنے کا اشارہ دیتے ہوئے کہا کہ وہ انتخابات کے بعد فلموں سے مکمل کنارہ کشی اختیار کرلیں گی۔ اداکارہ نے ہندی فلم انڈسٹری کو فیک بھی قرار دیا ہے۔

37 سالہ کنگنا رناوت سے سوال کیا گیا کہ کیا وہ اپنے حلقے سے الیکشن جیتنے کے بعد بالی ووڈ کو چھوڑ دیں گی؟ جس کے جواب میں انہوں نے ہاں کہتے ہوئے کہا کہ فلمی دنیا جھوٹ ہے اور وہاں کی ہر چیز جعلی ہے۔ فلم انڈسٹری کے لوگ ایک مختلف ماحول بناتے ہیں، یہ سب ایک بلبلے کی طرح چمکیلی دنیا ہے جو سامعین کو اپنی طرف متوجہ کرتی ہے۔

کنگنا رناوت نے بھی لوک سبھا الیکشن کیلئے کاغذات نامزدگی جمع کرا دیے

بالی ووڈ اداکارہ و سیاستدان کنگنا رناوت نے بھی لوک سبھا الیکشن کے لیے کاغذات نامزدگی جمع کرا دیے۔

بالی ووڈ کی اداکارہ کنگنا رناوت پہلی مرتبہ اپنے ہوم ٹاؤن مندی سے بھارتیہ جنتا پارٹی (بی جے پی) سے لوک سبھا الیکشن میں حصہ لے رہی ہیں اور آج کل اپنی الیکشن مہم چلانے میں مصروف نظر آرہی ہیں۔

انہوں نے لوک سبھا کی سیٹ کے لیے ریاست ہماچل پردیش سے بی جے پی کے ٹکٹ پر  گزشتہ دنوں اپنے کاغذات نامزدگی جمع کروائے۔

کنگنا رناوت نے بالی ووڈ میں اپنے سفر کا آغاز انوراگ باسو کی ہدایت کاری میں بننے والی فلم  گینگسٹر سے کیا تھا۔ اس فلم میں عمران ہاشمی اور شائنی آہوجا نے بھی اہم کردار ادا کیے تھے، فلم کو مہیش بھٹ نے پروڈیوس کیا تھا۔