محکمہ خوراک پنجاب میں کرپشن، نااہلی اور فرائض میں غفلت پر 20 افسران معطل

محکمہ خوراک پنجاب میں کرپشن، نااہلی اور فرائض میں غفلت پر 20 افسران کو معطل کردیا گیا۔

ترجمان کے مطابق شیخوپورہ، فیصل آباد، جھنگ اور گوجر خان سے 6 اسسٹنٹ فوڈ کنٹرولرز کو معطل کیا گیا ہے جبکہ سرگودھا، خوشاب اور بھکر سے 3 اسسٹنٹ فوڈ کنٹرولر اور 3 فوڈ انسپکٹر اور ایک جونیئر کلرک کو معطل کیا گیا ہے۔

گندم درآمد کرنے کے اسکینڈل میں ذمہ داروں کا تعین ہوگیا، کارروائی کی بھی منظوری

نگراں دورِ حکومت میں اضافی گندم درآمد کرنے کے اسکینڈل میں ذمہ داروں کا تعین کرلیا گیا۔

ترجمان کا کہنا ہے کہ سیکریٹری خوراک پنجاب نے وزیر خوراک پنجاب کے حکم پر 20 افسران کو معطل کیا۔

وزیر خوراک بلال یاسین نے کہا ہے کہ افسران نے فلور ملوں پر غیر معیاری گندم کی موجودگی پر ایکشن نہیں لیا۔