وزیر دفاع خواجہ آصف نے کہا ہے کہ ایمانداری سے ٹیکس جمع ہو جائے تو آئی ایم ایف کی ضرورت نہیں رہے گی، ٹیکس چوری کو لوگ بے ایمانی نہیں سمجھتے۔
اسلام آباد میں تقریب سے خطاب کرتے ہوئے خواجہ آصف نے کہا کہ کرپشن کو لوگوں نے بری چیز سمجھنا ہی چھوڑ دیا ہے، ٹیکس چوری کی روک تھام کیلئے اقدامات کیے جارہے ہیں، میں نے اسمبلی میں ٹیکس چوری کا مسئلہ اٹھایا تھا۔
انہوں نے کہا کہ اس وقت 9 ارب روپے تک ٹیکس وصول کیا جارہا ہے، ٹیکس ٹھیک طریقے سے جمع کیا جائے تو یہ 9 سے بڑھ کر 36 ارب روپے تک بھی ہوسکتا ہے۔