ابراہیم رئیسی کی تدفین آج کی جائیگی، آخری رسومات جاری

ایران کے شہر بیرجند میں ابراہیم رئیسی کی آخری رسومات جاری ہیں۔

ایرانی میڈیا کے مطابق بیرجند میں آخری رسومات میں عوام کی بڑی تعداد شرکت کر رہی ہے جس کے بعد ابراہیم رئیسی کی تدفین آج مشہد میں روضہ امام رضا کے احاطے میں کی جائے گی۔

ہیلی کاپٹر حادثے کے بعد ایرانی صدر کا جسد خاکی کیسے شناخت کیا گیا؟

ایران کے صدر ابراہیم رئیسی اور وزیر خارجہ سمیت دیگر افراد گزشتہ اتوار کو ہیلی کاپٹر حادثے کا شکار ہوگئے تھے۔

ابراہیم رئیسی اور ان کے رفقا کی نمازِ جنازہ کل تہران میں ادا کی گئی تھی۔

یاد رہے کہ ایرانی صدر ابراہیم رئیسی اتوار کو ہیلی کاپٹر حادثے میں جاں بحق ہوگئے تھے۔