ہر طرح کے وزٹ ویزے پر مکہ مکرمہ میں داخلے پر پابندی عائد

ہر طرح کے وزٹ ویزے پر مکہ مکرمہ میں داخلے پر پابندی عائد کردی گئی۔

سعودی وزارت داخلہ کے مطابق آج سے صرف حج ویزے کے حامل افراد ہی مکہ مکرمہ میں داخل ہو سکیں گے، مکہ مکرمہ میں موجود وزٹ ویزے کے حامل افراد فوری طور پر وہاں سے نکل جائیں۔

رواں سال 14 سے 19 جون تک مناسک حج ادا کیے جائیں گے

سعودی وزارت حج و عمرہ کی جانب سے بتایا گیا ہے کہ بغیر حج پرمٹ کے عازمین کو لے جانے والی گاڑیاں ضبط کی جائیں گی۔

سعودی وزارت داخلہ کی جانب سے حج کے اصول و ضوابط کی خلاف ورزی پر جرمانے عائد کرنے کا اعلان بھی کیا جاچکا ہے۔

سعودی وزارت حج و عمرہ کے مطابق رواں سال 14 سے 19 جون تک مناسک حج ادا کیے جائیں گے۔