میرپور ماتھیلو: صحافی نصراللّٰہ گڈانی کے قتل کا مقدمہ درج

میرپور ماتھیلو تھانے میں صحافی نصراللّٰہ گڈانی کے قتل کا مقدمہ درج کرلیا گیا۔

پولیس حکام کے مطابق نصراللّٰہ گڈانی کی والدہ کی مدعیت میں مقدمہ 2 نامعلوم حملہ آوروں کے خلاف درج کیا گیا۔

ایس ایچ او تھانہ میرپور ماتھیلو نے کہا کہ صحافی کے قتل کا مقدمہ انسداد دہشت گردی ایکٹ کے تحت درج کیا گیا ہے۔

یاد رہے کہ صحافی نصراللّٰہ گڈانی پر 21 مئی کو فائرنگ کی گئی تھی، جس میں وہ شدید زخمی ہوئے اور کراچی کے نجی اسپتال میں دوران علاج دم توڑ گئے تھے۔