دیکھ رہے ہیں زیادہ مہنگے آئی پی پیز کو نکالنے کا کیا طریقہ ہے؟ اویس لغاری

11 جولائی ، 2024

**وفاقی وزیرِ پاور اویس لغاری—فائل فوٹو**

وفاقی وزیرِ پاور اویس لغاری کا کہنا ہے کہ دیکھ رہے ہیں کہ کس آئی پی پی کا کتنا عرصہ باقی رہ گیا ہے، زیادہ مہنگے آئی پی پیز کو نکالنے کا کیا طریقہ ہے، اس کی قیمت کیا ہو گی؟

اسلام آباد میں وفاقی وزیرِ پاور اویس لغاری نے میڈیا سے گفتگو میں کہا کہ آئی پی پیز سے متعلق بہت کچھ کر رہے ہیں۔

ان کا کہنا ہے کہ کس آئی پی پی سے ہمیں کتنا فائدہ اور کتنا نقصان ہوا ہے، یہ بھی دیکھ رہے ہیں۔

یہ بھی پڑھیے

وفاقی وزیرِ پاور اویس لغاری نے کہا کہ یہ بھی دیکھ رہے ہیں کہ آئی پی پیز کو نکالنے کی قیمت کیا آج ہم برداشت کر سکتے ہیں؟

میڈیا سے گفتگو میں انہوں نے کہا کہ آئی پی پیز کے معاملے کو مختلف حوالوں سے دیکھا جا رہا ہے، وزیرِ اعظم کی ہدایات کے مطابق بہت جلد اس پر کوئی نہ کوئی فیصلہ ہو گا۔

وفاقی وزیرِ پاور اویس لغاری کا مزید کہنا ہے کہ آئی پی پیز کے خاتمے سے متعلق شیخ رشید کی طرح کے بیانات نہیں دے سکتے۔

ان کا یہ بھی کہنا ہے کہ بجلی کے ٹیرف بڑھنے سے جنوری کے بعد ایڈجسٹمنٹ نہ ہونے سے قیمتیں کم رہیں گی۔

تجارتی خبریں سے مزید