بانی پی ٹی آئی نے فیصلہ کیا تھا جی ایچ کیو پر احتجاج ہونا چاہیے، سلمان اکرم راجہ

پاکستان تحریک انصاف (پی ٹی آئی) کے رہنما سلمان اکرم راجہ نے اسد قیصر اور فواد چوہدری کی تردید کرتے ہوئے کہا ہے کہ پی ٹی آئی اور بانی پی ٹی آئی نے یہ فیصلہ کیا تھا کہ جی ایچ کیو پر احتجاج ہونا چاہیے۔

نجی ٹیلی ویژن کے پروگرام میں گفتگو کرتے ہوئے سلمان اکرم راجہ کا کہنا تھا کہ زمان پارک اور جوڈیشل کمپلیکس واقعات کے بعد پارٹی میں مشاورت کے بعد یہ طے کیا گیا تھا کہ اگر ایسا دوبارہ ہوتا ہے تو احتجاج وہیں ہوگا جہاں ہونا چاہیے۔

بانی پی ٹی آئی نے 9 مئی احتجاج کی کال کا اعتراف نہیں کیا، سلمان اکرم راجہ

بانی پی ٹی آئی نے واضح کیا کہ 9 مئی کے حوالے سے انہوں نے کسی بات کا اعتراف نہیں کیا، رہنما تحریک انصاف

انہوں نے یہ بھی کہا کہ پارٹی کی اس مشاورت میں بانی پی ٹی آئی بھی شامل تھے۔

جب سلمان اکرم راجہ سے سوال کیا گیا کہ ’کیا آپ رپورٹروں کی اس خبر سے اتفاق کرتے ہیں کہ بانی پی ٹی آئی نے جی ایچ کیو کے باہر احتجاج کرنے کا کہا تھا؟‘ اس پر سلمان اکرم راجہ نے کہا کہ وہ اس بات سے اتفاق کرتے ہیں۔

واضح رہے کہ اس سے پہلے اسد قیصر اور فواد چوہدری نے کہا تھا کہ پارٹی میں جی ایچ کیو یا کورکمانڈر ہاؤس پر احتجاج کا کوئی فیصلہ نہیں ہوا تھا۔