شمالی کوریا میں سیلاب، ایمرجنسی کا اعلان

شمالی کوریا میں بارشوں کے باعث سیلاب کی وجہ سے ایمرجنسی کا اعلان کردیا گیا۔

غیرملکی میڈیا کے مطابق شمالی کوریا میں ریکارڈ توڑ بارشوں کے باعث ہزاروں افراد سیلاب میں پھنس گئے جس کے بعد کم جونگ اُن نے ایمرجنسی کا اعلان کردیا ہے۔

میڈیا رپورٹس کے مطابق چین کی سرحد سے متصل سینوئیجو شہر اور یوجو کاؤنٹی میں موسلادھار بارش کے بعد کھیت اور مکانات ڈوب گئے۔

شمالی کوریا کے رہنما کم جونگ اُن نے متاثرہ علاقوں کا دورہ بھی کیا ہے جبکہ سیکڑوں افراد کو جہاز کے ذریعے ریسکیو بھی کیا گیا ہے۔

غیرملکی میڈیا کے مطابق موجودہ صورتحال کی وجہ سے شمالی کوریا میں خوراک کی قلت کا امکان بھی ظاہر کیا گیا ہے جبکہ سیلاب کے باعث زخمی افراد یا اموات کے حوالے سے کوئی تعداد سامنے نہیں آئی ہے۔