حافظ نعیم الرحمان کا اپوزیشن کے گرینڈ الائنس کا حصہ بننے سے انکار

امیر جماعت اسلامی حافظ نعیم الرحمان نے اپوزیشن کے گرینڈ الائنس کا حصہ بننے سے انکار کردیا۔

جیو نیوز کے پروگرام ’کیپٹل ٹاک‘ میں گفتگو کرتے ہوئے حافظ نعیم الرحمان نے کہا کہ اپوزیشن کے ساتھ کچھ مشترکات پر یکساں مؤقف بھی اختیار کریں گے اور ملاقاتیں بھی کریں گے۔

حافظ نعیم الرحمان نے کہا کہ ہم کسی اتحاد کا حصہ نہیں بنیں گے کیونکہ الائنس میں شامل پارٹیاں بعد میں اپنی ’سیٹنگ‘ بنا لیتی ہیں۔